ياريت الشر يزول
والحق يرجع يغلب
يرجع مخيض الشكوة
والغارزة ترجع تحلب
ونشوفو الحجاج
يمشيو ف الركب
وبنادم يحضي لسانو
مايكذب
ترجع قراية اللوح
وبلقم ودواية
الطالب يرجع يكتب
يعم السلم واﻷمان
فكل اﻷوطان
وحتى القلب
يتزرع فيه الحب
مايبقى ﻻطغيان
وﻻ حرب
كيف الغاني كيف الفقير
بلحلال قوتو يكسب
وليني خسارة على هاد الزمان
كلشي عايش بلا عنوان
غير شي حاضي من الشي
وشي يسرق فالميزان
شلا مايتكال g
وشلا مايتكتب
واخة نهضر
شكون يسمع كلامي
الله غالب
ياريت داك الزمان يرجع ويعكب
ونسمعو كلام ناس زمان
لكالو مايدوم غير الصح
وصفي تشرب
خالد حدادي
ليست هناك تعليقات:
إرسال تعليق