النفوس مركبه
باغية تحضر
گالت هي فيها الجذبه
وناري يا الميمتي على
كذبه!!!!
قرا الرساله
يا خيب الحاله
وتأمل المعاني
أنت سباب القصيدة
حتى طرحت
انت سبابها
حتى تنفخت
علفتيها النخاله
درتيها بالعاني
درتي فيها حاله
فكيتها دفنت
الجني في الزباله
عمات عياني بالبكا
ركبته اجلاله!!!
احگرتي الحرف بودرباله
القلم التجرح
منين جفت الدوايه
والدوايه تكفحت
منين تعرات لقفاله
الثقف لساني
سكتوه اللسون الولواله
ما لقيت لي يداويني
يا الكاويني
علاش درتي لي
كاله...
علاش الحقد علاش
كل شي بالعماله
علاش خانقني
نفسي كانت عواله
بغيتي تغرغر لي كيسان الحنظل
واش جيتك ثقيل عالة
ما عمر حالك يتبدل
فعيالك فعايل
كيف البغله الركاله...
يا المالين الجذبه
ضربتي ماندوزهاش
باقة ما طلعت الكتبه
النار شاعلة شعاله
حرگت الزريبه كملت
بالنواله...
قرا الرساله
يا خيب الحاله
ما بدي ما نعمل
إلى كنت جمل
أنايا مراعي الجماله
يقدر يجيبك الحال
يهلو عليك الهلاله
غير بالمهل غير بالمهل
دير في بالك السوايع
راها بداله!!!
30/11/2019
بقلم محمد البراقي الحسناوي
ليست هناك تعليقات:
إرسال تعليق