اسمع يا قرة لعيان
كان ف واحد الزمان
ديما نتفكر هاذ لمكان
صغير وبويا جابني ليه....
......
وصاني وصية
كتبها بالموهبة فنان
فيها رموز ومعاني ووزان
والدنيا ما كانت تغويه...
......
كلام بورش عظامي
مخلط فرحة واحزان
والدليل بالسنة والقرآن
وعيوني بالدموع بكات عليه....
.......
قال لي الدنيا صحرا
من ثمرها عيش وكسب فدان
ما تبيت ضيف جيعان
عند لحصاد تجني ما زرعتيه...
......
آمن بالله ضامن لرزاق
ونبينا محمد والقرآن
وصدق وكسي العريان
وهذا ما للآخرتك تديه...
....
أمك امك امك عاد بوك ثم بلادك
ولاتيق ف وسواس الشيطان
مغربي حر بالدليل والبرهان
وللنماء سير كمل وعاون ف بنيه....
......
..........أحمد الناصري.......
ليست هناك تعليقات:
إرسال تعليق