///= اش بيك اش بيك =///
==================
اش بيك اغرسناه زريعة..
اعطاتنا قوالب منحوتة.!
÷÷÷÷÷÷÷÷÷÷÷÷÷÷÷
اش بيك.؟
* تعرف اكثر....الحياة هذي.!
÷÷÷÷÷÷÷÷÷÷÷÷÷÷÷÷÷÷÷÷
قل اش بيك........قل اش بيك.؟
اغرسناك وقت الضباب حلفت..
حلفت الشتا حلفت على مجيها..!
÷÷÷÷÷÷÷÷÷÷÷÷÷÷÷÷÷÷÷÷
اغرسناك زريعة وقت لغمام..
احصدناك شوك طلحة سدرة..
شوك ماضي بعاج يدمي لقدام..
÷÷÷÷÷÷÷÷÷÷÷÷÷÷÷÷÷÷÷÷÷
قرقنا ادجاجتنا على بيض خامج..
اعطاتنا الريح ربينا فلالس لخوى.!
÷÷÷÷÷÷÷÷÷÷÷÷÷÷÷÷÷÷÷÷÷
حلفت هي ما تعطينا..
حلفت هي بصوم عام..
قالت اصيامي احرام..!
قالت نعطيك خلخال..
÷÷÷÷÷÷÷÷÷÷÷÷÷÷÷
ديرو اكبال...في يديك..
ديرو اكبال في رجليك..
÷÷÷÷÷÷÷÷÷÷÷÷÷÷÷
اختار شكون جميلة.!
--------اشكون احلال.؟
--------اشكون احرام.؟
÷÷÷÷÷÷÷÷÷÷÷÷÷÷÷
اشكون ينفخ فالبوق.؟
واش انقدروا عليها..!
÷÷÷÷÷÷÷÷÷÷÷÷÷÷÷÷÷÷
*جانا صباح مربوح خير هذا.!
"""""""""""""""""""""""""""""""""""
÷÷÷÷÷÷÷÷÷÷÷÷÷÷÷÷÷÷
ايجي الصباح قراية..
قراية هي بلا قراية..
÷÷÷÷÷÷÷÷÷÷÷÷÷÷÷÷÷÷
انحنشوا الكناش بقلم خاوي.!
ايجي الليل انعاس سايرة بنا.!
÷÷÷÷÷÷÷÷÷÷÷÷÷÷÷÷÷÷÷÷
ما احفظنا لوحة ما خرجنا سلكة.!
÷÷÷÷÷÷÷÷÷÷÷÷÷÷÷÷÷÷÷÷
محلاه نوم القيلولة..!
انعاس الليل احلمناه..!
÷÷÷÷÷÷÷÷÷÷÷÷÷
احلمناه اخناجر..
احلمناه دخان..
احلمناه غبرة..
احلمناه خوف..
÷÷÷÷÷÷÷÷÷÷÷÷÷÷÷÷÷÷÷
احلمناه انهار طالعة فيه الظلمة..
احلمناه شمس غربت بلا طلوع..
÷÷÷÷÷÷÷÷÷÷÷÷÷÷÷÷÷÷÷
ازرعناه.....ثاني زريعة..
حلفت الشتا ما اتجي..
÷÷÷÷÷÷÷÷÷÷÷÷÷÷
حلفت....بصوم عام..
قالت صومي احرام..
÷÷÷÷÷÷÷÷÷÷÷÷÷
*قالت الشتا هضرة قالت الشتا اكلام.!
"""""""""""""""""""""""""""""""""""""""""""
ابنيتوا بيت بلا اركيزة..
درتوا السقف بلا كايزة..
حجرة حجرة بلا قبة..
÷÷÷÷÷÷÷÷÷÷÷÷÷÷÷
فصلتوا فصالت لمغاشي..
خيطتوا بالخيط راشي..
÷÷÷÷÷÷÷÷÷÷÷÷÷÷÷÷÷÷÷
كيف اتلبسوا لكساوي جديدة..؟
÷÷÷÷÷÷÷÷÷÷÷÷÷÷÷÷÷÷÷
خليوا الطربوش غير نخوة..
خليوه ما دام الراس خاوي.. ((خلينا الزكاوة بلا عراوي))
÷÷÷÷÷÷÷÷÷÷÷÷÷÷÷÷÷÷
محال المجوط ايدير المشطة..
محال المجراب يقطع اظفارو..
لعرج من السباط لابس فردة..
لمكندز ما ايسلم اسلام عادي..
÷÷÷÷÷÷÷÷÷÷÷÷÷÷÷÷÷÷÷
اعطاكم الله فالهضرة زيدوا..
ركبوا على الحمير اترادفوا..! خليوا لغزال معنا غير انزاهة.!
حاكم لفلوس قالواحاكم راسو..
ريال على ريال يعطيك قنطار..
÷÷÷÷÷÷÷÷÷÷÷÷÷÷÷÷÷÷÷
*اش خاسر اش عاطي هو من جيبو.!
*اش خاسر اش عاطي من راس مالو.!
"""""""""""""""""""""""""""""""""""""""""""
العابد عبد الرحيم: 03/01/2018.
^^^^^^^^^^^^^^
ملهمتي الفقيه بن صالح.
ليست هناك تعليقات:
إرسال تعليق