قصيدة زجلية بعنوان (زاد همي )
من كثرة التخمام
زاد همي
وليت سقيم
يا ناس
حبها راه سطاني
ندور فالدوار
قلبي عليل
نقلب عليها كالهبيل
الله يا لعالي
تفرج همي
تدوي الجرح لقديم
الفرح ارجع لي
برجوع غزالي
سريت عليه
جنان السبيل
محج العشاق
اهل لغرام
والمربوط بحالي
سولت عليه
صحاب الرحبة
املين الحي لقديم
الناس لكرام ....
ما سمعت كلمة زينة
كلها مشغول بهمومو
سولت عليه ذكر لحمام
اجيب لي اخبارو ....
جاوبني :قال لي يا ولد العم
الحبيب علا ش تتسول
هاجر لرسام
سافر لمكان بعيد ....
ما قادر يصبر على لفراق
كيتو كية
الكبدة عنيدة
نطلبك يا سيدي ربي
دير لي التاويل
نتلاقوا من جديد
تعود اللمة بين زوج قلوب
وترجع العشرة سعيدة ....
الشاعر والزجال (محمد اولباز) من المغرب
ليست هناك تعليقات:
إرسال تعليق