شد ف الصح ؤ ربى الركابي
ظنيناه شريف ؤ ناوي يخدم
فرشنا ليه ظهورنا زرابي
سقانا بكلامو كيسان السم
لميهة حگرة و القمع خوابي
حبي لبلادي فعروقي دم
نصونها من كل مجرم إرهابي
بعشق السادس الگلب تغرم
نفديه بالروح ما نبخل بشبابي
عزي ف رايتي كون تحشم
وطني حر ماشي قليل الترابي
نويتي ليوم ف راسنا تتعلم
لسانك منجل ؤ الغلة قرنابي
ريحة الحگرة من كلامك تتشم
روايح فايحة بلكلام النابي
غرضك تكمم الحق ف الفم
تهيج الخلعة الحايلة ف جنابي
غرضك المسكين يضرب الطم
يغني ويگول م زين مكتابي
سمعني يا الشامت ؤ حاول تفهم
مغربي فايق ؤ جوابي على نابي
رزين ؤ باللاتي لطريقي نرسم
منهاجي الدستور و القرآن كتابي
بالله الوطن الملك نقسم
شعاري ؤ بيه محصن بابي
ليست هناك تعليقات:
إرسال تعليق