الصحبة لمدرحة
هديتو من جبوح لمحبة عسل
درتو خليل ساكن گلبي
غنم ف طيبتي خلاني و رحل
من الحسرة دمعي راه مسبي
ما دار حساب للعشرة و الشمل
نويتو صديق و رفيق دربي
شلاهبي گلبي ف شباكو حصل
عديم لوفا ما يستاهل قربي
بايع ؤ شاري ف الصحبة بالرطل
علام ف لخواض نگول حربي
عقيل ثعلب غايتو يوصل
جربة خبيثة طلات جنبي
جاني بقناع النيفاق يهلل
سرق طيبة گلبي الزغبي
الضحكة صفرة و الجوف كحل
يدأري يا خيي خبثو لمخبي
ما يمرگ من حالو ما يخجل
فعايل شيطان بقناع نبي
سليفعان مگطر يحصد بلا منجل
الله ينجي منو كل نية كعبي
كنت مرايتو كنت الضل
كنت عوينو و الشاهد ربي
هجرني ؤ دار ل بابو قفل
يا نار غذرو زيدي لهبي
ساعة الشدة هجرني و تسل
قوى ضيمي هاج عجبي
تفرز يا صاح الذبان من النحل
بان الطناز من لحبيب لمربي
عبد الجليل خالدي
ليست هناك تعليقات:
إرسال تعليق